OBSERVATORIO DO CORPO A TRAVÉS DA POESÍA E A PERFORMANCE
30 de xuño, 1, 2, 3, 7, 8, 9 e 10 de xullo / 16,30 – 19,30
Imparte: Helena Salgueiro
(Sala Luísa Cuesta –baixos da residencia universitaria do Burgo das Nacións)
Descrición e metodoloxía
Este obradoiro de performance e creación contemporánea xira en torno á relación entre a palabra e o corpo en acción. Despois dunha pequena introdución teórica á arte contemporánea, ao posdrama e performance e maila experimentación formal da poesía contemporánea, as participantes serán guiadas cara a atención do seu corpo con ferramentas de teatro físico, de danza e de técnicas antropolóxicas orientais. Logo dun escrutinio somático e disciplina física e da lectura de espazos e obxectos nun nivel estético e compositivo, daráselles chaves para investigarse a si mesmas como parte dun corpo social, político e ecolóxico valéndose da palabra poética. E a través da súa propia experiencia persoal e única, a intención última é que as participantes atopen a súa voz creativa e atopen ferramentas para a elaboración de accións performativas.
Programa
I.
– Debate da metáfora e o ritual
– Corpo-signo, Instrumento, Obxecto
– O silencio e o verbo
– A paisaxe somática
– A arquitectura e lectura dos 3 obxectos
– Lecturas
– Adestramento físico
– Escritura espacial, intervención
– Body landscape, body weather, happening, instalación
– Acción/actuación e Acción/activismo
II.
– Na busca do estrañamento e do límite
– Lecturas
– Adestramento físico
– Xenio creador, social e político
– Arqueoloxía persoal e apoio individual
– Coreografía do verso das 3 palabras
– Orografía da voz
– Escrituras
– O procesual e a enerxía: rexeitamento da obra finita
– Ensaio e exposición performativa
Helena Salgueiro é unha creadora escénica, performer, poeta e dramaturga.
O seu traballo tense amosado en teatros, museos, festivais e espazos non convencionais, nacionais e internacionais.
Fórmase en teatro físico en Dinamarca, Polonia e Francia, dramaturxia e danza en Edimburgo e teoría e crítica literaria na Universidade de Santiago de Compostela.
Helena traballa arredor da hibridación de xéneros, especialmente da literatura coas artes performativas e do movemento.
https://www.helenasalgueiro.com/
(Fotografía: Benxamín Otero)
uscenicacom.wordpress.com 